ilo `kijetesantakaluotokieni` li pali e sitelen kijetesantakalu toki. ona li toki e toki pana sina. sina pana ala e toki la ona li kepeken nasin stdin. ona li sama ilo `cowsay` lon nasin mute. toki ale ona pi ken ante li pona tawa ilo `kijetesantakaluotokieni`. taso, ken ante sin li lon ilo `kijetesantakaluotokieni`!
- sina ken kepeken nimi sitelen pi ilo `kijetesantakaluotokieni`. ken: `--nimi soweli`
- sina ken kepeken nimi suli tawa lipu kije. ken: `--nimi /home/mi/kije/kalijopilale`
- nimi poki pi lipu kije li lon nimi $NASINKIJE, la sina ken kepeken nimi lili pi lipu kije lon poki ni. ken: nimi $NASINKIJE li "/home/mi/kije". lipu "kalijopilale" li lon poki "/home/mi/kije". ni la `--nimi kalijopilale` li pona tawa ilo.
sina wile lukin e nimi sitelen ale la o kepeken `--seme`.
**--o-sama** (**-b**) la ona li lukin sama kulupu Borg tan sitelen Tawa Mun: Kulupu Sin. **--moli**(**-d**) la ona li pini :c. **--wile-mani** (**-g**) la wile ona li kama ike. ona li ken pilin **--monsuta** (**-p**). **--kasi-nasa** (**-s**) la ona li moku e kasi nasa mute. tenpo mute la ona li pilin **--lape** (**-t**). taso ona li moku e telo pimeja la ona li pilin **--wawa** (**-w**). **--lili** (**-y**) la lukin ona li kama lili. kin la sina ken **--suwi** (**-z**) e lukin ona. sina kepeken wan taso pi toki ante ni, la ale li pona. taso, sina kepeken ni mute, la ona li ken nasa.
sina kepeken **--pilin** (**-I**) la kijetesantakalu li toki insa.
sina wile e sitelen sin, la o pali e lipu kije lon nasin ni:
- lipu li ken open kepeken sona pi mama lipu, anu toki ante. sina wile e ni la o open e linja kepeken sitelen "#". ni li wile ala
- lipu li wile e linja open luka:
1.**nanpa pi poki toki**: poki toki li wan kepeken linja toki lon sitelen nanpa ni.
2.**lukin nanpa wan pi ante ala**: `--lukin` li lon ala, la lukin nanpa wan (**$1**) li ni.
3.**lukin nanpa tu pi ante ala**: `--lukin` li lon ala, la lukin nanpa tu (**$2**) li ni.
4.**uta nanpa wan pi ante ala**: `--uta` li lon ala, la uta nanpa wan (**$3**) li ni.
5.**uta nanpa tu pi ante ala**: `--uta` li lon ala, la uta nanpa tu (**$4**) li ni.
- linja ante ale li kama sitelen. sina ken kepeken nimi wawa ni lon sitelen sina:
- **$1**: lukin nanpa wan.
- **$2**: lukin nanpa tu.
- **$3**: uta nanpa wan.
- **$4**: uta nanpa tu.
- **$5**: linja toki nanpa wan. `--linja` li lon ala, la ona li kama "/".
- **$6**: linja toki nanpa tu. `--linja` li lon ala, la ona li kama "|".
- **$7**: linja toki nanpa mute. `--linja` li lon ala, la ona li kama "\".
- **$8**: kule ante. `--kule` li lon, la sitelen ale lon sinpin ona li kama kule ante. `--kule` li lon ala, la kule li ante ala. suli ona li ala; ona li sama "" lon sitelen.
- **$9**: kule ala. ona li weka e kule ante ali tan sitelen ali lon sinpin ona. suli ona li ala; ona li sama "" lon sitelen.
- **$0**: sitelen ijo li tawa ni. `--ijo` li lon ala, la ona li kama " ".
lipu kije ken:
```
# greets tawa wasoweli Awasi, tawa kulupu Aponi,
# tawa lipamanka, tawa jan Tepo, tawa jan Sonja
7
0
o
w
$7
$7
$8 ___ $9$7
$8 $1$3$2) $9$5
$8 ||||$4$9$0
```
sina pana e lipu kije ni tawa ilo kijetesantakaluotokieni kepeken `--nimi`, la ona li pali e ni:
```
____
<mu>
----
\
\
___ \
0wo) /
||||
```
## nimi pi ilo sona $NASINKIJE
nimi pi poki lipu li lon nimi ilo $NASINKIJE, la ilo kijetesantakaluotokieni li sona e lipu kije lon poki ni. ni la sina wile ala pana e nimi suli tawa `--nimi`. o kipisi e nimi poki lon nimi $NASINKIJE kepeken sitelen "**:**". sama ni: "/usr/local/share/kije:/home/mi/kije"
